Main apni Muzz profile par apni photos blur kyun nahi kar sakta?

Hum samajhte hain ke haya kitni aham hai – khaas taur par Islam mein khawateen ke liye. Isi liye Muzz par khawateen ko hamesha apni photos aur razdari par poora ikhtiyar hota hai. Aap apni photos sab ke liye blur kar sakti hain aur sirf tab dikha sakti hain jab aap mutmain hon – yeh poori tarah aap par hai.

Is waqt, mard apni profile photos blur nahi kar sakte, lekin mard aur khawateen dono ko hamesha is par ikhtiyar hai ke Muzz par un ki profile kaun dekh sakta hai.

Apni visibility settings update karne ke liye, Settings > Meri shadi profile koun dekh sakta hai? par jayein. Aap ko teen options nazar aayenge:

Muzhe sabhi ko dikhayain

Aap ki profile Muzz par har us shakhs ko nazar aayegi jo aap ki tarjeehat ke mutabiq hai. Yeh default setting hai aur is se aap ki profile sab se zyada nazar aati hai.

Sirf un logon ko dikhayain jinhain maine like kiya hai

Yeh Gair Mariyat mode hai. Aap ki profile doosre members se chhupi rahegi jab tak aap unhein pehle hi Like na kar chuke hon.
Is ka wahid istisna yeh hai ke agar aap Boost istemal karein. Jab tak aap ka Boost active hai, aap ki profile ahl members ko dikhayi jayegi, chahe aap Gair Mariyat mode istemal kar rahe hon.

Muzhe sab se chipayain

Jab tak yeh setting on hai, aap ki profile kisi naye member ko nahi dikhayi jayegi.
Aap phir bhi apni maujooda chats aur matches tak rasai rakh sakte hain, lekin jab tak aap apni profile dobara visible nahi karte, aap Tehqeeq mein nazar nahi aayenge aur aap ko nayi profile views nahi milengi.